Get verið

gleymin stundum. Mér fyrirgefst það af því að ég er í fiskamerkinu. Veski, vettlingar, lyklar og símar eiga það til að gleymast eða finnast á hinum ótrúlegustu stöðum. Gleymdi til dæmis símanum mínum úti í bíl í gær (sem gerist oftar en ekki, get greinilega án hans verið). Áttaði mig á því þegar ég var að fara að sofa. Finnst oft um það leyti því hann gegnir einnig stöðu vekjaraklukku. Þegar ég náði í hann þá biðu mín 2 skilaboð. Hin fyrri voru frá Héðni þar sem hann var að spyrja mig hvort að ég vildi fá kærleiksbjarnabúninginn minn aftur (er samt tæknilega séð ekki minn. Fékk hann lánaðan fyrir 5 árum hjá Lindu sem var að vinna með mér, þá. Fyrningarreglur segja hins vegar að hann sé minn, hef alltaf gleymt að skila honum) Lánaði Héðni búninginn fyrir 2 árum á grímuball en hin skilaboðin voru frá Herra Einari og Frú Ásdísi. Voru að spyrja mig hvort að ég hefði munað eftir því að setja fiskinn, sem þau gáfu mér, í frysti! Jú, það var svo heillin. Mundi eftir að setja fiskinn í frysti en gleymdi hins vegar símanum. Hafa greinilega ekki mikla trú á dóttur sinni í sambandi við húsmóðurstörfin. Eða kannski vita þau bara hvað ég get verið utan við mig. Já, vil frekar hallast að þeirri tilgátu. Þau mundu alla vega hafa trú á dóttur sinni í eldhúsinu ef þau hefðu smakkað fiskisúpUna sem ég eldaði áðan. Já, það held ég nú. Lifið heil

Skýrsla

Helgin var hin fínasta. Gerði eins lítið og ég mögulega gat á föstudaginn. Bjó að vísu til nýtt útlit á bloggernum og var hin ánægðasta. Hoppaði í háttinn um 12 leytið og líkaði vel.

Á laugardaginn skellti ég mér í ræktina og svitnaði aðeins. Gaman að því. Var hin aflappaðasta restina af deginum. Skellti mér svo í átta bíó með Signýju Zen á Bourne supremacy. Slæm mynd, leiðinleg kvikmyndataka og enn leiðinlegri eltingaleikir. Hnuss. Myndin gerist að hluta til í Moskvu og ég var komin þangað í huganum. Nennti ómögulega að fylgjast með atburðarrásinni í myndinni. Var þeirri stund fegnust þegar ég gekk út úr bíóinu. Skundaði svo á ÖlstofUna í kveðjupartý til Héðins fréttapésa. Hann er hættur á RÚV og heldur til Köben nú á haustmánuðum. Þar var fullt af skemmtilegu fólki. Hafði ekki séð nokkra í nokkurn tíma, s.s. Sigga Má og svo Írisi Ohlsen. Hún býr í Danmörku, eins og allir aðrir nú á dögum, en skaust til landsins helga í brúðkaup systur sinnar. Kíktum svo á Kaffibarinn og þar rakst ég á Júlíu Styles. Svolítið súrrealískt að hitta persónUna sem var á hvíta tjaldinu nokkrum klukkustundum áður. Kannski lá Jason Bourne í leyni á Kaffibarnum. Það skyldi þó ekki vera. Gaman að því. Keyrði svo heim um 2 leytið. Góða stúlkan ég.

Hitti Maríönnu, Lindu og Signýju í Kringlunni á sunnudagsmorgninum og skelltum okkur í verlunarleiðangur og á kaffihús. Ein græn peysa lá í valnum eftir þá verslunarferð. Stormaði svo í Citýið til foreldra. Jytte Bra! Alltaf gott að koma heim. Góðar stundir.

Fór í bíó

í gærkvöldi á myndina My First Mister. Góð ræma, þó ekki væri nektin, eltingaleikurinn eða slagsmálaatriðið. Er á hinum bandarísku Indí bíódögum í Háskólabíó. Held að ég sé ástfangin. Góðar stundir.

Breytt útlit fylgir breyttum tímum, eða breyttir tímar fylgja breyttu útliti. Góðar stundir.

!

Já, nú er það byrjað... Lifið heil.

Menning og ómenning

Þetta var síðasta helgin í sumar sem eitthvað var planað. Búin að vera frekar ströng dagskrá í sumar. Á föstudagskvöldið stormaði ég heim til Skrattheu Skorrdal og hjálpaði Möttu, Ásdísi og Helgu að skipuleggja laugardagskvöldið en þá var kveðjupartýið mikla. Matta er nefnilega að fara til Danmerkur í mastersnám. Vorum að skipuleggja samkvæmisleiki og búa til djelló fyrir drykkjukeppni. Þrír litir voru í boði og þar af leiðandi 3 lið. Meira um það síðar. Vorum að skipuleggja og spjalla til hálf tvö.

Á laugardaginn fór ég niður í bæ um tólf leytið því Sveinsdóttir og Helgi voru að keppa í Reykjavíkurmaraþoninu. Hitti þar mæðurnar Lindu og Maríönnu ásamt erfingjum. Settumst svo niður á Kaffi París og fengum okkur snæðing. Mikið af fólki og flugum. Yndislegt veður. Fór svo og verslaði fyrir óvænta atburðinn. Við Ömmurnar skipulögðum pikk nikk fyrir Skrattheu í grasagarðinum klukkan 16:00. Hittumst þar og vorum með teppi, osta, rauðvín, brauð og pestó. Þetta var æðislegt. Það var svo gott veður og frábær félagsskapur. Héðinn og Þórir slógust í för með Ömmuhópnum. Rauk svo heim í sturtu og þá var haldið í grill til Munda og Gerðar. Þar var Skerjóhópurinn samankominn. Eftir grill var förinni heitið til Skrattheu. Þar tóku við samkvæmisleikir og skemmtilegheit. Varð samt að fara niður í bæ að sjá Egó. Ekki var það nú leiðinlegt! En það sem var hins vegar leiðinlegt var umferðin eftir flugeldasýningUna. Javla. Ákvað að labba frekar á Laugarnesveginn frekar en að bíða eftir að Maríanna og Signý gætu tekið mig með. Voru fastar niðri í bæ. Sveinsdóttir og Co ákváðu nefnilega að vera eftir niður í bæ. Ég var ekki nema 40 mín að tölta þetta. En úngfrúin var smá óheppin. Tók ekki eftir járnhlera sem var í gangstétt einni og flaug á hausinn! Er sem sagt með hnjask á lófanum og á sköflungnum. Sendi Möttu sms um málið og henni fannst það svo fyndið að hún las það upp fyrir alla í partíninu. Þegar ég kom þangað þá var ég kölluð stelpan sem datt (af fólkinu sem þekkti mig ekki áður). Gaman að því. Þetta var alveg ágætis menningarnótt. Endaði á að dansa nóttina í burt. Gaman að því.

Sunnudeginum var eytt í afslappelsi. Fór svo út að borða á Hornið um kvöldið í tilefni þess að Dagný Hulda og Skúli, hennar ektamaður, eru að flytja til Japans. Dagný er að fara að vinna í sendiráðinu í Tokyo. Það virðast allir vera að flytja erlendis! Sátum þar í dágóðan tíma. Ég, Dagný og Héðinn ákváðum svo að drífa okkur í bíó en aðrir fóru heim. Sáum myndina Good bye Lenin. Brilljant ræma. mæli með henni. Góðar stundir.

Magnað

Það var nú alveg ágætt að vera á leiknum á miðvikudaginn. Magnað alveg. Góðar stundir.

Afmælisbörn dagsins

eru:

Unnur Ása Atladóttir en hún er kvartfjórðungsaldargömul+3ár. Unnur Ása var að kenna með mér í Nes Town þegar ég leiðbeindi ungum Austfirðingum. Hún vinnur núna í Lífeyrissjóði Austurlands og býr í rauðu húsi í New Town. Foreldrar hennar þau Dennis og Sólveig eru fósturforeldrar mínir fyrir Austan.

Margrét Vilborg Bjarnadóttir er kvartfjórðungsaldargömul+2 ár í dag. MVB var með mér í Röskvu og nú í Andansmönnum. Hún er á landinu eins og er en býr í USA þar sem hún er í doktorsnámi í aðgerðagreiningu við MIT.

Til lukku með daginn Unnur Ása og MVB. Lifið heilar.

Matarboð

var hjá Heiðu og Titti í gærkvöldi. Tilefnið var að Matta er að fara út í nám í endan ágúst og Héðinn fer út í nám í byrjun september. Hittumst nokkrir ,,gamlir"ML ingar. Hjónakornin buðu upp á ítalska veislu. Maturinn var æðislegur, ekki amalegt að heimsækja þau hjónin. Vorum að gæða okkur á kræsingum og spjalla til hálf eitt í nótt. Margt var rætt, meðal annars hvenær maður telst vera fullorðinn. Margar skilgreiningar voru nefndar. Sá norðurljós á leiðinni heim. Magnað. Góðar stundir.

Afmælisbarn dagsins

er Olav Veigar Davíðsson. Hann ku vera kvartfjórðungsaldargamall+2ár. Von Ölves var með mér í bekk í Grunnskóla Þorlákshafnar Citý, í Röskvu og stjórnmálafræðinni. Hann er nú starfsmaður þingflokks Samfylkingarinnar niðri á Alþingi okkar Íslendinga. Til lukku með daginn Óli minn.

Ég ætlaði

ekki að gera mikið um helgina en margt fer öðruvísi en ætlað er. Unnur Ása vinkona frá Nes Town kom í bæinn á fimmtudaginn og var fram á mánudag. Var að sækja son sinn til föður síns og ákvað að gera bæjarferð úr þessu. Ætluðum að fara á Fahrenheit 9/11 á föstudagskvöldið en svo fór ekki. Skratthea Skorrdal hringdi þegar við sátum fyrir utan Enricos og vorum að fara að tygja okkur í bíóið. Hún bauð í hvítvín og þetta endaði með bæjarferð. Hitti mikið af skemmtilegu fólki og elzkan hann Þórir skutlaði mér svo heim.

Var þó ekkert ryðguð á laugardeginum. Fór ásamt Unni Ásu og Atla Fannari syni hennar í Nauthólsvíkina. Þar hittum við Ingimund, Steina, Sillu og Þráinn. Sóluðum okkur þar í blíðskaparveðri. Tók meira að segja smá lit. Geri aðrir betur. Svo var brunað heim því að það var mæting til Fríðu Fróða klukkan 19:00 í grill og kokteila partý. Það var ótrúlega gaman. Fríða og Signý misstu sig á kokteilablandaranum. Gaman að því. Kíktum svo niður í bæ og á Rex af öllum stöðum! Ekki alveg minn bolli af te. Nenni ekki að fara á staði þar sem allir eru hengdir upp á þráð og allir mældir út frá topppi til táar. Settum svo nokkur tjúttspor á dansgólf borgarinnar. Skemmtilegt.

Á sunnudaginn fór ég svo loks á Fahrenheit 9/11. Fínasta ræma og skemmtilegt samsærisplott. Góðar stundir.

Skyldi

það vera merki um að ég sé með skóáráttu og eigi mikið af skóm þegar 5 pör eru staðsett í bílnum? Nei, varla. Lifið heil.

Gleðilegt sumar

Góðar stundir.

Smá birta

Vann 3 flöskur í rauðvínshappadrættinu í vinnunni. Ekki slæmt það. Það er allt of gott veður úti. Við ætlum að fara í klukkutíma hádegishlé núna og sitja í sólinni, það er hvort sem er hlýrra úti en inni akkurat núna. Svo að ég hlýt að komast upp með það gagnvart kvefinu. Góðar stundir

Úngfrúin

er á lífi. En Úngfrúin er Lasarus núna og því ekki hress. Einstök heppni að vera Lasarus þegar sólin skín í heiði og 20 stiga hiti á mælinum, í forsælu. Hnuss.