Sumir

leggja þó meira af mörkum til heimsins en aðrir. Guðlaug og Róbert eignuðust son í morgun. Loksins kom drengurinn, en hún var sett þann 12. maí. Til lukku með prinsinn bæði tvö. Góðar stundir.

Suma daga

verður manni meira úr verki en aðra. Er búin að fara í ræktina, fara í sturtu, blása á mér hárið, fá mér morgunmat og klippa á mér toppinn. Var búin að þessu öllu fyrir hálf níu í morgun. Það er nefnilega það. Núna er klukkan korter yfir níu. Hvað ætli ég afreki í dag. Kannski leysi ég gátUna um það hver drap Olaf Palme eða hver skaut í raun og veru JR í Dallas....

Suma daga er maður hreinlega orkumeiri en aðra. Lifið heil.

Frá því ég bloggaði síðast hef ég:

- reynt að blogga en það miststókst.
- spilað póker í gegnum MSN við Þórhildi, sem býr í Ástralíu (tæknin maður minn lifandi).
- farið á Doors tribute tónleika á Gaukinn - og líkað vel.
- frétt að 2ja ára vinkona mín á kærasta, en ég ekki og fundist það í lagi.
- borðað ótæpilega mikið af melónu...
- farið í Citýið
- farið í bíó með Helgu á Chick flick myndina "The wedding date" - og líkað vel.
- verið með lagið "nasty boy" með Trabant á heilanum.
- farið í afmælisteiti til Kötu og hr. Rokkland var þar einnig - gaman að því.
- slappað af.
- verið á útopnu.
- breytt gömlum hermannabuxum af Ámanni í fyrirtaks kvartbuxur á mig.

Svo fátt eitt sé nefnt. Góðar stundir.

Þar sem ég

er ekki í prófum þetta árið þá er tilvalið að taka próf á netinu...

Þinn innri Evrópubúi er Spænskur!

Energetic and lively. You bring the party with you!

Hver er" þinn innri Evrópubúi?

Sá prófið hjá Sigurrós, en hennar innri Evrópubúi er Íri.

Fékk skemmtilegt bréf með póstinum Páli í dag

og það hljómar svo:

Rannsóknarnefnd Viðskipta- og hagfræðideildar hefur lokið afgreiðslu á umsókn þinni og er þér veitt innganga í MA nám í mannauðsstjórnun.

Ég er kát. Góðar stundir.

Svona frídagar

eru mér að skapi. Hafði það mjög gott á uppstigningardag. Það má þó alveg taka umræðuna um að færa fimmtudagsfrídaga yfir á föstudaga eða mánudaga. Það er þó efni í annað blogg.

Fór í afmælisveislu til Boggu á miðvikudagskvöldið og hitti skemmtilegt fólk. Var meðal annars að fá að knúsa erfingjann þeirra í fyrsta skipti. Kíkum svo aðeins á Sólon en svo var förinni haldið heim á leið. Það var þó fullt af fólki í bænum. Ótrúlega gaman að fylgjast með mannlífinu niðri í bæ.

Kíkti í sprikl í Sporthúsið á fimmtudagsmorguninn og brunaði svo í Bláa Lónið með Signýju Zen. Bláa Lónið er mikil snilld. Rúntaði meðal annars til Grindavíkur (reyndar til að taka bensín) en hver rúntar til Grindavíkur? Góðar stundir.

Japanska nafnið mitt

Your Japanese Name Is...

Ritsuko Kobayashi

What's" your Japanese Name?

Það er nefnilega það. Lifið heil.

Ég lifi

á brúninni. Ákvað skyndilega í gær að fara í eins og einn geislamengunartíma, í staðinn fyrir að fara heim að taka til. Já, ég lifi svo sannarlega á brúninni...

Góðar stundir