Ég
sá ekkert af hinum meintu menningarviðburðum um helgina. Alla vega ekki þessa auglýstu. Fórum í 3ognúll afmæli til Óla hressa von Ölves að Útey á föstudagskvöldið. Skratthea og G voru með í för. Afmælið einkenndist af söng, gleði, varðeld, skemmtilegheitum og skemmtilegu fólki. Takk fyrir mig von Ölves. Á laugardaginn var svo haldið út á land á ný. Í þetta sinn að Glámu sem er rétt fyrir utan Hvolsvöll. Þar var hittingur vina Hr. R frá Munchen, í höll Guðlaugar og Úlfars. Ég var ekki alveg upp á mitt besta, föstudagskvöldið tók greinilega sinn toll. Hef verið hressari og skreið upp í ból um 11 leytið. I´m old...
Síðasti vinnudagurinn minn var á föstudaginn. Svolítið skrýtin tilfinning. Ég fékk kveðjuveislu í hádeginu í dag, búið var að dúkka upp hlaðborð frá Austurlandahraðlestinni og öllum boðið í mat. Fékk þessa fínu gjöf; Íslands Atlasinn og 2 rauðvínsflöskur frá vinnufélögum. Ég mun sakna vinnufélaganna.
Í þessum töluðu orðum er verið að pakka niður á heimilinu. 2ja vikna afslappelsi er fyrirhugað, fljúgum út í fyrramálið. Sól, sandur, kokteilar og góður matur. Hið ljúfa líf.
Góðar stundir.